想假期旅行，有咩介紹呢~~~~－dlxpxv7的部落格

標題:

想假期旅行，有咩介紹呢~~~~

發問:

本人想聖誕or新年呢d紅日去中國短線團我想問會貴幾多家~~~ 本人想浸溫泉，但會否成池人呢！不能好好享受呢謝謝更新: Sandy : 謝謝你我在旅行社見到有d團係珠海溫泉加澳門遊咁有無人跟過呢~~~ 值得俾錢跟團ma

最佳解答:

你可以去珠海及澳門呀! 珠海可以浸溫泉, 而澳門可以食野呀!!!!! ************************************************************************* 以下提供少少資料給你參考, 希望你有用啦! 1) 到達澳門先去食D嘢,可以去食煲仔魚翅$35/@,於十月初五街近新馬路! (佢D煲仔魚翅好底食呀!非常真材實料呢!(有真魚翅, 海參, 竹笙, 金華火腿及鷄絲) 2) 食完野可以去行下大三巴, 拍照等, 行完肚餓的話可以食嘢!我唔知道全名呀!都係在噴水池附近的(招牌紅色有隻熊貓,佢對面有一間雪糕店的) 可以問下人, 大約在BODY SHOP斜對面的橫行行入去的, 佢的招牌米好正呀! $20記住要辡沙湯底呀!唔係好辡但味道一流,(材料十足呀!有魚片, 尤魚, 牙菜, 紅腸,蝦,鷄絲)而且每款材料都有五件呀) 3) 如果唔鍾意, 可以食間出名D但就貴D啦!你預大約$150一個人, ------------ 九如坊(在噴水池附近) 4) 食完嘢可以去下新開的賭場參觀下好靚呀! 永利渡假村, 在葡京對面, 可搭的士大約$15, 如識路可以行去約15分鐘, 或者可以搭巴士於葡京行去! 5) 可以去觀光了, 可以去澳門的博物館, 因為都幾多野睇呀! 可以問酒店服務生,因為有套票可以FOR幾間博物館的, (澳門博物館, 紅酒博物館, 賽車博物館, 消防博物館, 海事博物館) 6) 跟住可以去(TUMP)仔食豬扒包, 咖哩魚旦尤魚, 大菜糕, 木槺布丁 7) 仲想行下/玩下, 可以好走巴行, 近住觀音的可搭的士大約 $30,飲下野,氣氛唔錯呀! 露天有海景, 有些巴仲有 LIVE BAND 呀! 8) 仲可以過珠海(拱北)石景山公園有小型賽車玩呀! 在拱北關搭的士約$25. 9) 亦可以去按摩, 於(益健) 在關口附近. (好底呀! $30一個鐘, 都幾好呀!而且最重要係清潔) 10) 可以於拱北邊行邊食, 因為有好多野食! 11) 若果唔係可以回澳門, 以下有些資料給你. - A) 九如坊葡國菜館: (噴水池附近, Tel: 331-818) 木糠布甸; 最出名焗鴨飯 - B) 小飛象: (Tump仔, tel: 827-888) - C) 大利來記 : (Tump仔巴波沙前地18號, tel: 827-150)營業時間：早上6:00 - 晚上6:15 (豬扒包,咖哩魚旦尤魚) - D) 瑪嘉烈: (路環果間 tel: 882-534) 食葡韃, - E) 公雞葡國餐廳: (Tump仔, 木偶果條街入面, tel: 827-423, 827-318) - F) 義順牛奶 : 地址：議事亭前地7號電話：573 683 - G) 禮記雪糕 : 地址：荷蘭園大馬路12號 - 12號A 電話：375 781 推介：香芋雪糕(4元/杯)，芒果雪糕(4元/杯)，雪糕磚(26元/磅)，紅豆雪條(3元/條)，蓮花杯(6元/杯）。 - 仲有漁人碼頭呀! 一定要去行下呢! 尤其是晚上呀!, 佢裡面有好多特色食店及酒巴, 晚上去仲正, 現在唔係好熱, 可以坐露天的坐位, 非常有氣氛呀!!!!!!不防試試啦! 就算唔食野, 行下都冇防呀!